الاثنين، ٣ ديسمبر ٢٠٠٧

هناك..غرس خنجر




براءة أحلام00

في الصغر لا نفعل الكثير من الأشياء..نحن فقط نحلم..نحلم بأن نكون أطباء أو مهندسين أو ضباطا أو أو أو ..لا ندري لم نحلم أو كيف؟..لكننا نحلم و فقط..نحلم بالمستقبل الذي يحمل مرادفا لكلمة أخرى :الابتسام..لا ندرك أن الواقع أكثر قسوة من أن يتركنا نبتسم..إلا قليلا...........!!0
-----------
هناك00

هناك..غرس خنجر
هناك..يوجد جرح ما
..جرح لازمني طوال حياتي القصيرة كلما نسيته عاد الخنجر لينكأه مرة أخرى و اتذكرما كان..رغم أني لا أعرف فعلا ذاك الذي كان وفعل كل هذا..هو فقط شيء يؤلم دون أي سبب و دون مفر منه ..لو أعلم فقط أين هي هناك هذه لانتهى الأمر..و لاندمل الجرح الحزين..الجرح الذي يدفعني للبكاء0
------------
أنا عايز اعيط!!

مشيت مرة مع صاحب لي و هو يشكو مر الحياة و ذلها..حتى تهدج صوته ,واحمرت عيناه,و كاد أن يبكي..و كاد هذه هي التي تثير غيظي حتى الآن ..
لم لم يبك هذا الفتى؟
لم لم يضع وجهه على كتفي ليغرقها بالدموع؟
هو بالتأكيد لا يدرك النعمة التي كان فيها ..البكاء أحيانا يكون من شيم الرجال ..كم أغبطه على تلك النعمة ..لأني أضحك أحيانا..ابتسم..أعبس,لكني منذ سنوات لم أبك..للأسفّّّّّ!!!..ربما كان البكاء حلا لما أعانيه,أقول هذا و أعلم أن أول فرصة ستسنح لي لأبكي سأصد دمعي ..ربما لأن مغالبة الدموع تكون أحيانا..من شيم الرجال0
-----------
خنجر وقلم و دماء

أن تمسك القلم و تكتب فهذا ليس بالأمر السهل..القلم أيضا له قلب يشعر بك.. يدفعك لتذكر جرحك القديم هناك لتكتب جيدا ..قلب يجرحك كل مرة دون أن يقصد..قلب يجعلك تعشقه و تبغضه في ذات اللحظة, لذا فما غرس هناك ليس سوى خنجر وقلم يستمد من دماء قلبي بعض الحبر ليكتب به كثيرا من المشاعر السوداء..ليضحي قلبي مجرد خنجر و قلم و دماء0
-------------
أنين اللذة
أن تعاني في كل مرة تكتب فيها عن نفسك فذاك ليس بالأمر القاتل..دائما ما أقول أن للحزن لذة خاصة..لذة لها أنين0
--------------
في انتظارها00
البكاء تفريغ لحظي..لن يقلل الألم أو يزيده شيئا ..أما هي..هي كل شيء..هي التي ستدفن الحزن في مقبرة الذاكرة..هي أيضا موجوعة مثلي ,الموجوعون فقط هم القادرون على شفاء جراح بعضهم,ربما أنا هنا فقط لأقول لها :أحبك0
من هي؟
أنا بالذات لا أعرف من هي يا رجل!!,القدر فقط هو من يعرف من هي و متى سيحين اللقاء-إن قدر لي اللقاء-..و حتى يحين ذلك الوقت

سأكون في انتظارها..تماما مثلها!!0
--------------
سهم لو سمحت
أعلم أني في النهاية سأترك كل شيء و اهرع إلى الشرفة قبل أن أنام ..استمتع نسيم الليل الجميل تحت ضوء القمر الذي لن توفيه حقه من الحب و المديح..و أحلم بها ..ربما كان كيوبيد يحلق هنا الليلة لينشب سهمه المقدس في قلبي ..سهم كهذا خير من خنجر كذاك هناك..لكنه لم يحلق الليلة كما لم يحلق في سابقتها..اترك الشرفة في يأس لأضع نفسي تحت الغطاء..و أحلم ..تماما كالصغار0

هناك ٢٩ تعليقًا:

ghalia يقول...

جميل جدا
على فكرة يا أحمد
انت اوقات كتير بتعبر عن حاجات بتكون جوايا ومش عارفة اعبر عنها
الشئ الوحيد اللى بختلف معاك فيه ان مغالبة الدموع من شيم الرجال
لأن الرجل فى النهاية إنسان بيحس وبيتألم ومن حقو انو يبكى لما يكون محتاج يبكى
بحييك جدا على روعة تعبيرك وتصويرك للمواقف الإنسانية دى اللى كلنا فعلا بنحس بيها.

رحــــيـل يقول...

براءه الاحلام
ذكرتنى بكلمات كتبتها من قبل يحمل نفس المعنى وبعض الالفاظ
حقا انها براءة احلام الصغر

هناك
دائما جراح بداخل كل منا
فلكل منا جرحه
هو الجرح الذى يدفعك لان تكتب وتتأمل فتبدع

عايز تعيط عيط
لو شايف انه ضعف عيط بينك وبين نفسك
المهم تعيط بجد راحه

خنجر وقلم ودماء
ابدعت

انين اللذه
لست المجنونه الوحيد التى ترى - أن للحزن لذة خاصة-

فى انتظارها
يارب لايطول انتظارك حتى لا يصير دربا من الجنون

سهم لو سمحت
مش عارفه ليه حاسه ان كيوبيد ده بيشتغلنا
من زمان بفكر اجر حد يقتله ونخلص


عميق تحياااتى وتقديرى

غير معرف يقول...

حقيقى كلماتك معبرة...
أحيانا أشعر أن هناك من قصر فى حقنا أن تركنا لزمن طويل دون أن يمهد لنا ما يمكننا أن نلقاه فى حياتنا عندما نكبر فى السن ونصبح فى قلب بحر الحياة، فنراها على حقيقتها!!! لكن الحمد لله أننا نتعلم :)
أما عن بكاء الرجال.. الحقيقة لا أدرى ما الذى ربط بين الرجولة وعدم البكاء، مع أن سيد الخلق وكبار الصحابة كانوا يذرفون الدمع فرحا أو حزنا ودون أن يلاموا ممن حولهم. الفارق هو.. لماذا البكاء؟
تحياتى وسلم قلمك :)
www.marmad.wordpress.com

غير معرف يقول...

كلمات بجد توجع القلب

بس انين اللذه

انت مش لوحدك

بيتهيألى انا لو مكنتش حزينه يبقى انا بكدب على نفسى يبقى انا مضايقه لانى بكدب يبقى احزن علشان مكدبش لان الكدب حرام


ايه الى انا كتباه ده!؟

متاخدش فى بالك

بس انا رايي انك تشغل نفسك بحاجه علشان تنسيك الجرح

ومش بالضروراه ان يكون هناك جرح علشان تبدع

Moslma-N يقول...

لماذا هذه الكلمات الحزينة التى اخرجت ما فى النفس بالرغم انها تحاول التظاهر بالصمود و لكن امام كلماتك لم تستطع الا الخضوع , حقا هذه هى الحياة , كم افنعت نفسى ان الراحة ليست فيها انما الراحة الحقيقة لن ننالها الا فى جنة الرحمن .نسأل الله أن يدخلنا جميعا جناته و حينها سنشعر بالراحة و هذا هو ما يصبر الانسان على ما هو فيه و يعطيه الدافع لتكملة المسير فى عز و شموخ

بورك قلمك
صحيح كنت عايزة اعلق على البوست اللى فيه الكرتون و لكن لا يوجد متسع الان

غير معرف يقول...

فعلا البكاء فعلا بيفك عن الواحد في اوقات كتيرة

وجميل جدا احساسك بصديقك وانك تمنيت انه كان يبكي علي كتفك دا احساس راقي جدا

تحيااااااااااااتي يا احمد باشا

Mohamed Hesham Safa يقول...

دي دموعنا هنحوشها عشان مش صح نبقى ضعاف ...

نبان ساعة الفراق بنخاف ...

أحمد المصري يقول...

غالية:
سبحان الله..مع إني مش حاسس إني عبرت عنها كويس..بس الحمد لله إني كنت مخطىء و لو جزئيا00أنا مقلتش إن مغالبة الدموع من شيم الراجل..أنا قلت الرأيين و للقاريء حق الإختيار..بس أنا فعلا مع إن الراجل يعيط لو حس بكده..بس فكرة منع الدموع دي بتبقى حاجة لا إرادية أكتر منها رغبة..بتحصل كده لوحدها00زيارتك مشجعة جدا أشكرك عليها0

أحمد المصري يقول...

رحيل:
ده نقد كامل بقى..ههههه
براءة أحلام
عشان كلنا كنا أطفال في يوم من الأيام..أكيد..حنكتب كلام متشابه..كلام بيفكرنا بزمان0

العياط مش ضعف..و الراجل اللي بيكتم دمعته قدام الناس زي ماقلت بتبقى غصب عنه و مش لازم يكون الموضوع ضعف..ساعات بيبقى ضرب من ضروب الأنانية..اللي هيا عايز أعيط لوحدي دي 00مش كده
كيوبيد؟..أنا عمري ما قتنعت بيه..غير لحظة لما ابقى واقف في البلكونة..هههههه0
..منورة جدا0

أحمد المصري يقول...

جزيرة النور:
أنا كتبته الكلام اللي كتبته ليهم ادام انت كتبت كل الكلام الحلو ده..منورة في أول زيارة ليكي0

ا بـن عــمــر يقول...

لا تبكى على مافات واستعن بالله على ما هو ات
وان بكيت لهو خير لوكان فى خلوة مع الله
ليكن هو الدع الشافى
ارجوك اقرأ الرسالة دى
غندى
رؤيا للرسول

ا بـن عــمــر يقول...

انا مش عارف كتبت ارجوك دى ليه
بس لعل الله ارد ذلك

dr.Roufy يقول...

الله..على كلامك يا أحمد
بجد خدني لدنيا تانية..لقطات متنوعة
لكنها زي المقطوعة الموسيقية الى فيها آلات كتير بتعزف..بس النتيجة موسيقى ممتعة..كلامك لمسني من جوايا بجد
تحياتي
:)

Desert cat يقول...

ما شاء الله عليك يا احمد وعلى كتاباتك
حقيقى انت انسان موهوب
لما بشوف عمرك فى البروفايل بنبهر اكتر بارائك وطريقة عرضك للمواضيع
ربنا يوفقك لما يحب ويرضى
تحياتى

MKSARAT - SAYED SAAD يقول...

عزيزي احمد المصري
قدمت لنا باقة زهورها براءة الاحلام وهناكوعايز تعيط وخنجر وقلم ودماءوزاخري ثم وضعتها امام اعيننا وجعلت كل منا يبحث عن نفسة داخل هذة الباقة المجروح يبحث والعاشق يبحث والحالم يبحث
ات جعلت الفكرة لك التعبير لنا
تحياتي لقلمك

the others يقول...

كلام جميل...عجبتني اوي لذة الحزن
I can feel it

أحمد المصري يقول...

د/نور:
يا ستي أنا لما شغلت نفسي بحاجة عشان انسى رميت نفسي في حضن القلم..لقيته بيجرحني أكتر فاتعودت إلى حد ما عليه
----
لما بكتب خاطرة بلاقي نفسي مجروح..معرفش ليه بس هوا كده ..ممكن يكون REFLEX؟
هههههههههه..منورة0

أحمد المصري يقول...

مسبلمة:
أكيد عارفة ليه حواجبي اترفعت دهشة لما شفتك وسط التعليقات..انتي فين يا ستي؟
ياااااااااااه كوسي إنك فكرتيني بالجنة..تصدقي إني نسيتها؟!!
المهم إنك نورتي في البوست ده أو اللي قبليه بقى مش مهم..زيارة واحدة كافية لتنوير المدونة كلها0
سلام0

أحمد المصري يقول...

محمد هشام:
من حقك تبقى ضعيف يا محمد ..عشان ربنا خالقنا ضعاف أصلا..و في يوم من الأيام حتعيط جامد..صدقني00منور يا باشا0

أحمد المصري يقول...

مصرواي أوي:
التحيات ليك و لزيارتك الجميلة يا مصراوي..الله يخليك متفكرنيش بالموقف ده..حتخليني اتغاظ تاني..هيا مش حاجة تغيظ برضه؟
منورنا0

أحمد المصري يقول...

ابن عمر:
و نعم بالله..قريتها يا سيدي و بغبطك إنك شفت سيدنا النبي عليه الصلاة و السلام..أصل الرؤيا دي أقدار..ربنا يوفقك0

أحمد المصري يقول...

د/روفي:
يمكن عشان كده بستنى تعليقاتك ورأيك دايما..لإنك متخصصة في الكلام اللي بيلمس القلب من جوه0
--------
قطة الصحراء:
شكلك مصرة تخلي وشي عبارة عن ثمرة طماطم كبيرة على رأيك أحمد خالد توفيق
ههههه..مش عارف اقولك ايه؟
شكرا على تشجيعك تنفع؟..مش حتنفع بس أنا مش بليغ أوي في الشكر00سلام0

أحمد المصري يقول...

مكسرات:
يبقى كويس أوي لو خليت أي حد فعلا يدور على نفسه..بس المهم يلاقيها
شكرا عالزيارة الجميلة 0
---------
الأخرون:
الحمد لله إنها عجبتك..حاجة تسعدني
منورة و كل سنة وانتي طيبة كمان مرة0

سلوى يقول...

جميله المدونه
ما شاء الله

وبوستك كمان مميز جدا

ما شاء الله
عقل كبير

تحيااااتي

غير معرف يقول...

إنت مش هاتبطل بقى تكتب كلام حلو - إزيك يا حماده وإيه أخبارك والعائلة ؟ - كل سنة وإنتوا طيبين - محمود سعيد

عين ضيقة يقول...

افضل اطلع فى البالكونة ولما تقدر تبكى ابكى اوى

دا بجد

على فكرة فه ناس بتحسدك ع الحلم

الاحساس بالليل .. ممممممممم ... رائع

سلام بقى وربنا يسعد قلبك يارب

أحمد المصري يقول...

سلوى:
مدونتي جميلة ..زي مدونتك كده؟
مااعتقدش..شكرا جدا عالزيارة الحلوة و منورة في أول مرة ليكي0
--------
محمود:
حبيب هارتي00كلنا بخير و بنسلم عليك و على خالتي..حج مبرور0
--------
عيون ضيقة:
تعرفي المشكلة مش في العياط..لامشكلة إني عايز أعيط بس مش قادر..قلبي مش مخليني اقدر اعيط..هوا فيه أحسن من احساس بليل؟لا طبعا..أسعد الله قلوبنا جميعا00منورة جدا0
---------
مع تحياتي
و السلام عليكم0

و القادم....أجمل يقول...

أطفال كنا
نلهو و نحلم
نبتسم ببراءة
تركض الايام سريعا
يشيب الرأس
و تبقي البراءة في قلوبنا
،،،،
و جراح لم تلتئم
تنزف في صمت
تنزف في كل وقت
ننزف دماء من العين و القلب
،،،،
بكاء رجال في كبر و زهو
يحارب الدموع
و تتساقط بعض العبرات
صرعى في ميدان المعركة
فتبكي العين علي فراقهم
تبكي ...
،،،،
قلم و حبر و دماء
مداد للكتابة
من الوريد و الشريان
أكتب بصدق تلك الكلمات
أري القمر ينير السماء
و يضئ قلبي
بلا استئذان

=========================

أخي و أستاذي أحمد المصري
أري أبداع في كل جملة
و كل كلمة
تجبر علي كل من يقرأها
التأمل , و التأمل الشديد
نستحضر تلك الصور في خيالنا
فنجد بعض من المتشابهات
يالك من مبدع أستاذي!
أتمني ألا أكون أفسدت
روعه و رونق كلماتك
بكلماتي المتواضعه
و أتمني ان تقبل تلك الكلمات
من تلميذتك
ولـاء

كل التحية و التقدير
لك أستاذي

:)

ابوعدي للتسوق يقول...

شركة مكافحة حشرات بالخبر
شركة مكافحة حشرات بالجبيل
شركة مكافحة حشرات بالقطيف