عارف إن الإعتذار مش كفاية وإن مكنش ذوق أبدا إني أسيب المدونة والتعليقات كده من غير رد بس والله كان عندي ظروف وجامدة
كمان..آسف إني اتأخرت عليكو ..كل سنة وانتو طيبين جدا جدا بمناسبة رمضان والعيد ..ولول انها متأخرة أوي..آآآآآسف كمان وكمان مرة وبمناسبة رجوعي ليكو..احب اقولكه وحشتوني اوي بجد واقول كمان
إن قلبي بيدق بمزاجه00
وكل تلات دقات00
يعدي دقة
..اقوله مالك؟
يقول مفيش..
ياعم مالك؟
يقول مفيش..
بتحب ياض؟
يقوللي لا
طب عجزت؟
يقوللي لا
ده انا قلبي ده غلس غلاسة
اقوله يابني الدنيا حلوة 00
يقوللي بلاش السياسة
انا قلبي بيرفض الحراسة
على طول بيطير ويغني
و بيحب دايما غصب عني
علني..
..وفي الخباثة..رجع قلبي يدق تاني بمزاجه
وكل تلات دقات
يعدي دقة0
الله عليك يا علي يا سلامة0
و كمان مرة..آآآآسف0
هناك ١١ تعليقًا:
عسولة اوى الفكرة
و انا اللى كنت فاكرة ان قلبى هو اللى بيفوت
و عوده حميدة يا مصرى
دمك خفيف قوي وبعدين انت مش في طب يابني غير
pace maker
علشان قلبك يحترم نفسه
انا بتمنى تكون لعلي سلامة مدونة نتواصل معاه فيها
حمدا لله على سلامتك
اوروفوار
يااااااااااه
اية يا احمد كل دة كنت فين وحشتنا يا راجل
ارجع للتدوين تاني بقى
حمد لله على سلامتك
وبعدين فى حكايه الدقه اللى بيعديها دى
قوله حاجه اى حاجه
حمد الله على السلامة ..وحشتنا كتاباتك يا دكتور
بس فعلا عودة موفقة تماما
وبوست رائع
تحياتي
:)
سخسوختي:
شكل قلوبنا كلها مفوتة..ربنا يستر و ميستهبلش فيها ويفوت دقتين كل تلات دقات..زيارتك نورتني من جديد..حميدة بيكو كلكو إن شاء الله0
------------
بنت مصر:أهلا بأهل بني سويف..منورين مدونة الطنطاوي الغلبان اللي هوا انا
..لا يا ست الكل..بلا عمليات بلا بتاع..يبقى يفوت أحسن ..وانا حبقى اعلمه بنفسي بقى..كله بالصبر و التدريب..وحييجي المفيد..انتي عرفتي منين اني في طب,المدونين دول ميتبلش في بقهم فولة(:,أول مرة حد يقوللي دمك خفيف..شكراو منورة كمان مرة0
-------------
طهقانة:
ياريت والله ..الراجل ده ممتاز جدا..الله يسلمك..اعتقد الكلمة الأخيرة معناها السلام عليكم..وعليكم السلام0
-------------
شمس:
يااااااه..أنا اللي نفسي اقرالكو تاني..متخفش يا ريس حرجع ان شاء الله بس اوفي التاجات اللي عليا..لحسن اموت ومحدش يقضيها تبقى كارثة00شكرا عالرد المشجع فعلا ومنور اوي0
------------
عازف الناي:
اف اف اف..ايه النور ده ...مكنتش عامل حساب دخولك معلش ..لا فرشنا سجادة حمرا ولا قدمنا الشاي وواجب الضيافة..معلش بقى امسحها فيا لمره دي ..مانا كل ماقوله يقول مافيش..ده علني فعلا..ما تقوله انت حاجة يمكن ينكسف على دمه و يسكت000الله يسلمك ومنور بجد0
------------
د/روفي:
كتاباتك انتي فعلا هيا اللي وحشتني..
و ان شاء الله الجديد جاي في الطريق..بس اصبرو عليا شوية عشان معنتش بقعد عالجهاز كتير زي زمان..كوسي انه عجبكم البوست..منورة المطرح يا دوك0
------------
مع تحياتي00
والسلام عليكم0
ياسيدى ولا يهمك
هتبوس راسنا يعنى؟
المهم تكون الظروف عدت على خير
بالنسبة للبوست
فالكلام دمه خفيف
وبس
حمدلله ع السلامة بقى
حمد الله ع السلامة
بس ماتتكررش كده
ماشى
اتفقنا
وكفاية على سلامة تصالحنا بيه
عين ضيقة:المهم انك رجعتي ونورتي تاني
..بس!!..اللله يسلمك0
----------
منذر:حبيب قلبي..إن شاء الله مش حتتكرر
يا ريت سلامة يفضل على طول لحسن مشواريه كتيره وكل مرة ياخدني معاه..ربنا يستر..تعليقك ريحني نفسيا..أصلك انسان مريح0
-----------
مع تحياتي00
والسلام عليكم0
أحمد
الحمد لله على السلامة ولو انها متأخرة
وحشتنا بوستاتك أوى
واختيارك لعلى سلامة كان موفق جدا
إرسال تعليق