التاج الجميل ده أول تاج ليا بعتهولي المدون الجميل (بيجاسوس المصري)وكلكم عارفين التاج طبعا بس انا مقدرش أرفضله حاجة , ده غير إنه كويس برضه عشان تعرفوني 00ونبدأ الإستجواب0
س:ايه اللي حيصل لإيميلك لما تموت ؟
ج:هيموت معايا بالتأكيد00يعني كان في حد بيبعتلي 00عموما انا عامله عشان المدونة بس0
س:اديت الباسوورد لحد قبل كده ؟
ج:لأ طبعا 00أصل انا محبش حد يتدخل في خصوصياتي 0حتى لو كان الإيميل ملوش لازمة00طبعا الناس اللي حواليه كلهم بيستغربوا كده أصل مفيش في قاموس الشعب حاجة اسمها احترام الحرية الشخصية0
س:اسمك؟
ج:اظن واضح 00أحمد المصري,رغم إنه مش اسمي الحقيقي00بس كفاية عليكوا الإسم ده0
اسم الدلع المشهور وسط أصحابي؟
مليش ومحبش يبقى ليه 00يمكن عشان اسمي (أحمد)ماينفعش يبقالوا دلع0
س:مجال دراستك
طب بشري -الفرقة الولى0
س:شخصيتك نوعها ايه؟
سؤال غريب ياجدع في حد برضه يوصف شخصيته؟ ..ماهو لو كل واحد عرف نفسه كويس ماكناش وصلنا للي احنا فيه..عموما ححاول: عصبي ,مستفز,بعشق الهدوء,فلسفي شوية في أفكاري ,كئيب إلى حد ما ,قيادي,اجتماعي بس غشيم ,عنيد,بحبأكلم نفسي,بحب كل شيء غريب,أو مجنون بمعنى أدق 0
س:بتعمل ايه في وقت فراغك؟
ج:غالبية الوقت في القراءة والتدوين00أو الإنترنت بمعنى أدق0
س:الأكلة المفضلة؟
مممممممممم00عموما انا بموت في الأكل بصفة عامة ..لكن الأكلة المفضلة 00الفول والطعمية والكشري وبعشق البطاطس المقلية0
س:الصفات اللي اخدتها من بابا؟
ابويا خدت منه كتير خاصة العقلانية والتنظيم في التفكير والفلفسةوالعصبية والعند,الحنان الأبوي0
س:الصفات اللي خدتها من ماما؟
العفو عند المقدرة ,والعصبية برضه,أسلوب النصح الدائم,بعرف ارفع حاجب واحد بس ومقدرش ارفع التاني لوحده حلوة دي),الإيثار,حب الناس كلهم, كتير كتير خدت كتير من أبويا وأمي00عموما انا اعتبر أكتر واحد في العيلة واخد من ابويا وأمي,اعتبر هجين مابينهم 0
س:اكتر 6 حاجات بتكرها؟
ج:الظلم0
التسلط0
نمطية التفكير0
السلبية وخاصة كلمة :(وأنا مالي)0
الأفلام العربي 0
من يدعون الفكر والثقافة وهم تور الله في برسيمه0
حياتي0
س:اكتر 6 حاجات بحبها؟
ج:مصر 0
العيلة0
نفسي0
المدونين0
الهدوء0
الحب 0
س:الشغل بالنسبة لك ؟
ج:حاجة لسة معرفش عنها حاجة بس نفسي ابقى كويس فيها0
س:ايه الكمبيوتر والنت بالنسبة لك؟
ج:حيااااااااااااااااااااااتي الحقيقية اللي أنا بحبها يمكن عشان انا في عالم الواقع 00ميت0
س:تحب تمرر التاج لمين؟
مش عارف أصل كلكوا وصلكوا التاج..عموما انا حقول اللي أنا اعتقد إنه لسة موصلوش التاج
فيمتو0
قائد0
شوية أفكار(مسلمة)0
عبد الله مفتاح00من نني عيني0
حائر في دنيا الله0
.SHARM
عاشقة الوطن0
همممممممممم00كفاية كده ,ياريت تكونوا عرفتوني بجد00عموما بعد كده حتقل التدوينات عشان الدراسة ..تدوينة كل
يوم حد إن شاء الله00في انتظاركم الأسبوع الجاي0
مع تحياتي00
والسلام عليكم0
هناك ١٩ تعليقًا:
كويس إن أنا أول واحد يمسى عليك
المهم أنت بتفكرنى بأيام زمان أنت عارف يا حمادة أنا كنت فى سنة أولى طب سنة كام .... 94و الحمدللة خلصت كلية و ماجيستير و بتنيل أحضر دكتوراة عقبالك يا باشا
مرسييي يا افندم علي اللينك
يا عم
ده انا حبيبك يا عم
كده تبعتلي تاج
انا عملتلك ايه بس ؟
اهئ اهئ اهئ
ايه ده طب انت برج ايه طيب
؟
العقرب؟؟؟
ههههههه
اجاباتك ممتعة
و ربنا معاك في الدراسة
تحياتي
يااحمد
اجاباتك جميلة جدا
وبعدين عاجبنى اوى حكاية الخصوصية ديه اصلها هى كمان فيا شئ اساسي ومابحبش حد يتدخل غير فى اللى اسمحلهم بيه وبس
بس تعمل ايه بقي فيه ناس مابتحبش تحترم غيرها
يالا بكرة الشعب يكبر ويعرف الصح من الغلط
تحياتى
لا بس حلوه حكاية الحنان الابوى دى اه والله لذيذه كده
سلام
جميل ردك علي الاسئلة واضح ان مخك اكبر من سنك
وحلوة حكاية الحنان الابوي
================
الامبراطورية المفقودة
عالم مختلف
Cool tag and your answers seemed to be sooo true and without 2y tasanno3 aw mobala3'a. Rabenna yewafa2ak ya doctor fe el kolleyya and always do ur best and remember that"the world is so fast that there're days when a person says it can't be done is interrupted by the person who's doing it".
Peace
السلام عليكم00
معلش ياجماعة على تأخر الردود 00
قائد:
الحمد الله إني بفكرك بذكريات زمان 00بس
بلاش الله يخليك تقولي إنها ذكريات جميلة 00كده الزعل يبتدي ما بينا00هههههههه
عايزين نسمع أخبار كويسة عن الدكتوراه غن شاء الله0
ربنا يوفقنا جميعا0
-------------
عبد الله أحمد:
احنا اللي متشكرين على الزيارة00
لا شكر على واجب0
------------
sharm:
خلاص يابابا خلاص ياحبيبي اوعك تزعل ..اللي اتكسر ممكن يتصلح
بس بعد ماتجاوب عالتاج00ههههه
-----------
epitaph:
لا ياستي انا برج السرطان والعياذ بالله
ربنا يبعده عنا آمين00ومعانا جميعا إن شاء الله0
-----------
عاشقة الوطن:
شكرا 00فعلا حكاية الإستخفاف بالحرية الشخصية تحرق الدم00عندك حق حييجي يوم ونتغير 00وقريب إن شاء الله0
-----------
أروى الطويل :
عجبتكوا اوي حكاية الحانان الأبوي دي 00لا بجد انا فعلا اما بدي نصيحة لحد بيبقى أسلوبي في شيء من الحنان ده مهما كان سن المتلقي00
وعليكم السلام0
-----------
الإمبراطور:
شكرا على المرور 00ما بلاش المدح ده لحسن آخد ألم في نفسي كالعادة0
في انتظار المزيد من تدويناتك الممتعة0
----------
salma:
والله كلامك أروع من أن يعلق عليه00
في انتظار الزيارة القادمة0
مع تحياتي00
والسلام عليكم جميعا0
مستنيكم يوم الحد0
جزاك الله خيرا يا دكتور احمد على هذه التدبيسة , انا انتهيت من هذا التاج خلاص و كتبته . و ربنا يوفقك فى الدنيا و الاخرة و تاجك يبقى فى تطور دائم
انا افتكرتك هتقولي خلاص رحمتك
اتلقيتك بتقولي بعدها بعد ما تجاوب عالتاج
:((((
واضح ان التاج مش ناوى
يسيب المدونين فى حالهم
اجاباتك حلوه
و ربنا معاك فى الطب
مسلمة:
ماشي ياستي انا رحت عليه وعلقت عندك
آمين إن شاء الله00شدي حيلك في الدراسة ومتنسيناش0
----------
SHARM:
بس كده خلاص ياسيدي: رحمتك0
----------
MANO:
ربنا معانا جميعا00التيجان فعلا كترت أوي اليومين دول 00بس إيه رأيك بقى في هتلر 00عسل والله0
مع تحياتي00
والسلام عليكم0
لا حول ولا قوة الا بالله.. فى طب بشرى؟!! معلش يا بنى, شدة وتزول
ههههههه
ربنا يوفقك يارب
على فكرة يا احمد شكرا اوى على تعليقك عندى فى البوست الأخرانى وتعليقك عند دكتور طنطاوى بخصوص البلوج بتاعى... ربنا يديم الصداقة بنا أن شاء الله
على فكرة أنا بحب الفول جدا برضه.. تأخد سندوتش؟
:)
manal
حرية شخصية,,,, لا يبو حميد لا يعرف الكثيرين الحرية الشخصية
وانه ليس من الضروري تغلق درج مكتبك بالضبة والمفتاح وتعمل لملفاتك الشخصية كلمة سر حتى لا يفتحها أحد دون استئذان
مع تحياتي
ده شكله كده استجواب في المباحث مش تاج
ربنا يوفقك وفي انتظار كتاباتك
سلام
شكراً يا دك على الحوار الممتاز ده..بس حلوة مستفز دي..أول مرة أعرف إن فيه بيقول كده على نفسه lol..
شكراً..أخوك د/محمد الوكيل
ALBIDA:
شقتي الذل بقى ..ربنا يوفقنا جميعا..آخد طبعا بس يكون بلزيت الحار هههه منتظرين مقالاتك0
----------
حائر في دنيا الله :
عندك حق والله ياباشا00ماهو احنا لو كنا بنحترم الحرية الشخصية ماكناش قلنا على كل من ربى دقنه ارهابي00ربنا يهدي0
--------
أ/يامن:
فال الله ولا فالك 00بقى دي تشبيهات برضه00ههههه.إحنا اللي مستنيين مقالاتك0
-------
محمد حبيبي:
ايه متعلافش دي ولا إيه انا ممكن أستفز حد لحد مايطب ساكت قدامي00انا بحذرك اهه00بلاش هزار معايا00ههه بهزر طبعا00أشوفك بكره0
---------
مع تحياتي00
والسلام عليكم جميعا0
في انتظار نكرار الزيارة0
ALBIDA:
لا شكر على واجب 00المهم إنك رجعتلنا بالسلامة 0
إرسال تعليق