أعشق الإستماع لبكاء الكمان..وتره أكثر صدقا من أوتار قلوبنا0
أعشق دماء الشهداء..هي معظم ماتبقى من دماء طاهرة الآن 0
ربما لهذا..أعشق الحروب!!0
ربما لهذا..أعشق الحروب!!0
أعشق الأطفال و عيونهم البريئة..يمزقون قلبي عندما أفكر في مستقبلهم..أفضل أم أكثر حزنا من الآن؟!0
أعشق من أمسك القلم يوما ليكتب عن نفسه..عن أهله..عن وطنه..ليعزف بقلمه لحن الكمان الصادق0
ربما لهذا..أعشقكم!!0
ربما لهذا..أعشقكم!!0
أعشق النظر إلى الجماجم..نظراتها الفارغة الباردة تذكرني بالحاضر..رمزيتها المرعبة تذكرني بالمجهول..المستقبل0
أعشق النار..يوم كنت صغيرا تحاملت على نفسي و منعتها من تبذير ثروتي الصغيرة -جنيه وربع-لأشتري قداحة بسيطة اشعلها لأتأمل قليلا في الزهرة الحمراء الخارجة منه..للنار فلسفة غامضة لا أدري بالضبط ما هي..لكنها جذابة0
أعشق الإنتماء0
أعشق الوطن0
أعشق الحزن..و الألم0
أعشق الضحك..و البكاء0
أعشق القلم0
أعشق السماء0
أعشق الليل0
أعشق القمر..و النجوم0
أعشق البطيخ0
أعشق الحياة0
أعشق نفسي0
وأكره الكثير0...
هناك ٧ تعليقات:
يااااه يا احمد
بجد حرام عليك تحرمنا من بوستاتك دى
أنا زيك بالظبط بعشق كل المعانى دى
بعشق الحياة بكل ما فيها
حتى الحاجات اللى بكرهها كمان
أخى الكريم : أحمد المصرى
السلام عليكم ورحمة الله وبركاته
ماأجمل الحياة عندما نحياها بصدق مع
النفس
وأن تكون صريحاًواضحاً أمام نفسك ومع الآخرين
أحييك
أخوك
محمد
يااااااه
دانتا طلعت حبّيب
بس حبيب من نوع جديد
جد بأه
بجد بوستاك جميل
بس بيتهيألى طلعتنا انت من المود لما جت سيرة الولاعة و ان كان معناها فى الجون
بطل تتأخر فى بوستاتك
غالية:
أول ما قلتي حرام عليك قلبي وقع..يا ستي معلش هيا ظروف الدراسة بقى رغم إني كاتب حاجات كتير عايز احطها..المهم انه عجبك عشان كنت خايف من البوست ده ميعجبش حد..زيارتك مشجعة جدا ..شكرا0
------------
محمد الجرايحي:
اخويا وحبيبي..منور المدونة جامد أوي بتعليقك وزيارتك الجميلة..مفيش أحلى من الصراحة..أصلها مريحة فعلا00و شكرا بجد على زيارتك اللي كنت مستنيها0
-------------
سخسوختي:
امال ايه..ده أنا حبيب كبير أوي..هوا مش باين ولا ايه؟..ههههههه
و بجد برضه..عملتو ايه في المد تيرم؟..يا ريت تكون الأخبار كويسة..همممم ممكن فعلا تكون حتة الولاعة دي خارجة عن مود الموضوع شوية..بس اللي في نفسي قلته..ححاول متأخرش إن شاء الله و إن كنت حاسس إني متأخرتش أوي ولا حاجة ..هوا بوست أو اتنين كل اسبوع أو قليل؟
------------
مع تحياتي00
والسلام عليكم0
دي القناعه بس من جهه تاني
ودي من اهم علامات الرضي النفسي
جميل يا ابو حميد
هذا لانك انسان تعشق وتكرة
تحزن وتسعد تتمرد وترضى
متناقدات خلقها الله بالانسان
ولكن لا يجب ان نكرة الكثيرين
ولكن نقول الحمد لله الذى هدانا وفضلنا على كثير من خلقه تفضيلا
كل ما ذكرت من اشياء تعشقها تصل بنا الا العشق الكبير عشق الله عشق قدرة الله
اللهم انا نسالك حبك وحب من تحب وحب عمل يقربنا اليك اللهم اذا رزقتنا مما نحب فاجعله قوة لنا فيما تحب
واذا لما ننال ما نحب فاجعله فراغا لنا فيما تحب
اهنيك على البوست المميز
تحياتى
كراكيب عادل:
ده انت اللي جميل0
-------
محمد:
الحمد لله على كل شيء0
---------
مع تحياتي
والسلام عليكم0
إرسال تعليق